ગુજરાતના દાહોદ જિલ્લાની પ્રાથમિક શાળાની વિદ્યાર્થીનીને જ્યારે તેનું પરિણામ કાર્ડ મળ્યું ત્યારે તે આશ્ચર્યચકિત થઈ ગઈ. ચોથા ધોરણના વિદ્યાર્થીને બે વિષયમાં મહત્તમ માર્ક્સ આપવામાં આવ્યા હતા. શાળાની આ ભૂલથી શિક્ષણ વ્યવસ્થાને લઈને નવો વિવાદ સર્જાયો છે.માર્કશીટ વાયરલ પણ ખૂબ થઈ રહી છે.
*પરિણામ જોઈને આશ્ચર્યચકિત થઈ જશો*
ધોરણ 4 ની વિદ્યાર્થીની વંશીબેન મનીષભાઈ ને જ્યારે શાળામાંથી માર્કશીટ મળી ત્યારે તેણીને બે વિષયોમાં માર્કસ જોઈને આશ્ચર્ય થયું કારણ કે તેણીએ આ વિષયોમાં વધુમાં વધુ માર્કસ મેળવ્યા હતા. વંશીબેને ગુજરાતી વિષયમાં 200 માંથી 211 અને ગણિત વિષયમાં 200માંથી 212 માર્કસ મેળવ્યા હતા. સ્કૂલ ગર્લનું આ પરિણામ સોશિયલ મીડિયા પર વાયરલ થઈ રહ્યું છે. બાદમાં પરિણામ તૈયાર કરતી વખતે ભૂલ થઈ હોવાનું જણાયું હતું. આ પછી, સુધારેલું પરિણામ જાહેર કરવામાં આવ્યું હતું, જેમાં 200 માંથી 191 માર્કસ ગુજરાતીમાં અને 200 માંથી 190 માર્કસ ગણિતમાં આપવામાં આવ્યા હતા. જો કે, અન્ય વિષયો બદલાયા નથી. નવા પરિણામમાં વંશીબેનને 1000માંથી 934 માર્કસ આવ્યા છે.
*જ્યારે વિદ્યાર્થીની તેના પરિવારજનોને બતાવ્યું તો ભૂલની ખબર પડી*
સ્કૂલની ભૂલ ત્યારે સામે આવી જ્યારે વિદ્યાર્થીએ તેના પરિવારને સ્કોરકાર્ડ બતાવ્યું. જ્યારે પરિવારના સભ્યોએ તે માર્કશીટ ધ્યાનથી જોયું તો ભૂલો બહાર આવી હતી. આ ભૂલના જવાબમાં, જિલ્લા શિક્ષણ અધિકારીઓએ ભૂલનું કારણ નક્કી કરવા અને ભવિષ્યમાં આવી ઘટનાઓને રોકવા માટે તપાસ શરૂ કરી છે.
*શિક્ષકથી કોપી-પેસ્ટિંગમાં ભૂલ થઈ હોવાનું જણાવ્યું*
આ અંગે જિલ્લા શિક્ષણાધિકારીએ તપાસ શરૂ કરી છે. શાળાની ભૂલ પર શિક્ષણ વિભાગે સત્તાવાર નિવેદન જાહેર કરીને કહ્યું હતું કે, પરિણામ સોશિયલ મીડિયા પર વાઈરલ થયા બાદ પ્રિન્સિપાલના ધ્યાને બાબત લાવવામાં આવી હતી. પ્રાથમિક તપાસમાં જાણવા મળ્યું છે કે પરિણામ આસિસ્ટન્ટ શિક્ષક દ્વારા તૈયાર કરાયું હતું. તેમણે કોપી-પેસ્ટિંગમાં ભૂલ થઈ હોવાનું સ્વીકાર્યું હતું. આમ માર્કશીટ નો વિડિઓ ખૂબ વાયરલ થતો જોવા મળી રહ્યો છે.
