રાધનપુર: રાધનપુર નગરપાલિકાની સામાન્ય ચૂંટણીમાં રાજકીય ઉથલપાથલ જોવા મળી છે. કોંગ્રેસ માટે આનંદજનક અને ભાજપ માટે નિરાશાજનક સ્થિતિ ઉભી થઈ છે. પૂર્વ ધારાસભ્ય શ્રી રઘુભાઈ દેસાઈ અને કોંગ્રેસની ટીમના સતત પ્રયાસો અને રાજકીય દાવપેચોને કારણે 5 આમ આદમી પાર્ટીના (AAP) ઉમેદવારો અને 1 અપક્ષ ઉમેદવારે પોતાની ઉમેદવારી પાછી ખેંચી છે.
આ unexpected રાજકીય ફેરફારને કારણે ભાજપ માટે પરિસ્થિતિ વધુ મુશ્કેલ બની છે, જ્યારે કોંગ્રેસના ઉમેદવારો માટે જીતની સંભાવનાઓ હવે થોડી મજબૂત બની હોય તેવું જોવા મળી રહ્યું છે.
પરત ખેંચનારા ઉમેદવારો:
1. કાંતાબેન કરશનભાઈ ઠાકોર (અપક્ષ)
2. મહમદ યાકુબ ફૈજમહમદ મેમણ (AAP)
3. ઇબ્રાહીમભાઇ હુસેનભાઇ ચૌહાણ (AAP)
4. અમીનાબેન ગફૂરભાઈ સિપાઈ (AAP)
5. દીપકભાઈ કુબેર દાસ ઠકકર (AAP)
6. કાદરભાઈ એહમદભાઈ (AAP)
Di
કોંગ્રેસના પ્રયત્નો સફળ, ભાજપના મથામણ નિષ્ફળ જેવું દ્રશ્યની ચર્ચા
ચૂંટણી પહેલા ભાજપે કોંગ્રેસના વિરોધી ઉમેદવારોને બેસાડવા માટે અનેક પ્રયાસો કર્યા હતા, પરંતુ કોંગ્રેસે સુનિયોજિત રાજકીય રણનીતિ અને જૂથશક્તિના દમ પર તમામ કવાયતને નિષ્ફળ બનાવી હોય તેવી ચર્ચા જોવા મળી રહી છે.
પૂર્વ ધારાસભ્ય શ્રી રઘુભાઈ દેસાઈ અને કોંગ્રેસ ટીમના સક્રિય પ્રયાસોને કારણે કોંગ્રેસના સમર્થનમાં 5 ઉમેદવારો નામ પરત ખેંચતા, કોંગ્રેસને ચૂંટણીમાં સ્પષ્ટ ફાયદો મળ્યો છે.
ભાજપ માટે સંકટ
આ ઘટનાઓથી રાધનપુરમાં ભાજપના રાજકીય ભાવિ પર સવાલ ઊભા થયા છે. કોંગ્રેસના મજબૂત પ્રચાર અને વ્યૂહરચનાને જોતા, આ ચૂંટણીમાં ભાજપ માટે જીત ખૂબ જ મુશ્કેલ બની શકે છે.
રાજકીય વિશ્લેષકો માને છે કે આમ આદમી પાર્ટી અને અપક્ષ ઉમેદવારોનું હટવું ભાજપ માટે મોટો આંચકો સાબિત થશે, કારણ કે આ કારણસર કોંગ્રેસ વધુ મજબૂત સ્થિતિમાં આવી ગઈ છે.
રાજકીય માહોલ ગરમાયો
રાધનપુરની ચૂંટણી હવે વધુ રોમાંચક બની છે. ભાજપ અને કોંગ્રેસ વચ્ચે સીધી ટક્કર રહેશે કે નહીં, કે કોંગ્રેસ ઈશારાથી જ જીત મેળવી લેશે, તે આવનારા દિવસોમાં સ્પષ્ટ થશે.
દરમિયાન, ભાજપના નેતાઓ અને કાર્યકરો માટે આ અણધારી ઉથલપાથલ ચિંતાજનક બની ગઈ છે. રાધનપુરની ચૂંટણીના પરિણામો સ્થાનિક અને રાજ્ય સ્તરના રાજકારણ પર પણ અસર કરશે.
