IAS Coaching

પાટણ :મેવાભાઇ ભરવાડ અને શ્રી ભગીરથસિંહ જાડેજાને અખિલ ભારત હિન્દુ મહાસભામાં નવા પદ માટે નિમણુંક

રાધનપુર/સાંતલપુર: અખિલ ભારત હિન્દુ મહાસભા દ્વારા સનાતન ધર્મના પ્રચાર અને રક્ષણના ધ્યેય સાથે સંગઠનની મજબૂતી માટે નવા પ્રતિભાશાળી નેતાઓને નિમણુંક આપવામાં આવી છે. આ પ્રસંગે રાધનપુર શહેર પ્રમુખ અને સાંતલપુર તાલુકા મહામંત્રી પદ માટે વિશેષ જાહેરાત કરવામાં આવી હતી.

*રાધનપુર શહેર પ્રમુખ પદ પર શ્રી મેવાભાઇ ભરવાડની નિમણુંક*

શ્રી મેવાભાઇ લેંબાભાઇ ભરવાડ, એક જાણીતા સામાજિક કાર્યકર, રાધનપુર શહેર પ્રમુખ તરીકે નિમણુંક પામ્યા છે. તેઓએ અગાઉ શિવસેના અને બજરંગ દળ જેવા સંગઠનોમાં જવાબદારી નિભાવી છે. 2015થી 2018 સુધી શિવસેના પ્રમુખ તરીકે તેમજ 2022થી 2024 સુધી બજરંગ દળ સંયોજક તરીકે કાર્યરત રહ્યા છે. તેમની કાર્યકુશળતા અને ધર્મપ્રતિ નિષ્ઠાને કારણે આ પદ માટે યોગ્ય પસંદગી થઈ છે.

તેમના નિમણુંક પત્રમાં જણાવાયું છે કે શ્રી મેવાભાઇની આગેવાનીમાં રાધનપુર શહેરમાં હિન્દુ સમાજની મજબૂતી માટે સનાતન ધર્મના મૂલ્યોનું પ્રચાર-પ્રસાર વધશે. આ ભલામણ મિડિયા પ્રમુખ શ્રી નાનજીભાઇ ઠાકોર દ્વારા કરવામાં આવી છે અને મહામંત્રી શ્રી કિશોરભાઇ ઠક્કરે તેને મંજૂરી આપી છે.

*સાંતલપુર તાલુકા મહામંત્રી પદ પર શ્રી ભગીરથસિંહ જાડેજાની નિમણુંક*

સાંતલપુર તાલુકામાં શ્રી ભગીરથસિંહ હેતુભા જાડેજાને મહામંત્રી પદ માટે નિયુક્ત કરવામાં આવ્યા છે. તેઓ હાલ કરણી સેના અને પત્રકાર એકતા સંગઠન સાથે મિડિયા મંત્રી તરીકે કામ કરી રહ્યા છે. તેઓ ખેડૂત અધિકારો માટે પણ સક્રિય છે અને સનાતન ધર્મ પ્રત્યેની નિષ્ઠાથી પ્રેરિત છે.

શ્રી ભગીરથસિંહ જાડેજાની નિમણુંક પણ મિડિયા પ્રમુખ શ્રી નાનજીભાઇ ઠાકોર દ્વારા ભલામણ બાદ શ્રી કિશોરભાઇ ઠક્કરની મંજૂરીથી કરવામાં આવી છે. તેઓના કાર્યકાળ દરમિયાન તાલુકા સ્તરે હિન્દુ સમાજના ધર્મ રક્ષણ અને સંગઠન મજબૂતી માટે નવી દિશામાં કાર્ય થશે તેવી આશા વ્યક્ત કરવામાં આવી છે.

*સંગઠનની પ્રતિબદ્ધતા અને ભવિષ્યના દિશાસૂચન*

મહાસભાના ગુજરાત મહામંત્રી શ્રી કિશોરભાઇ ઠક્કરે જણાવ્યું કે આ નવી નિમણુંકો સંગઠનને નવી ઉંચાઈઓએ પહોંચાડશે. સનાતન ધર્મના મૂલ્યોનું પ્રચાર-પ્રસાર, સમાજના સર્વાગી વિકાસ માટેના પ્રયાસો અને સંગઠનના મિશનને આગળ વધારવામાં આ નવા નેતાઓ મહત્વપૂર્ણ યોગદાન આપશે.

Crime Awaz
Author: Crime Awaz

Share this post:

खबरें और भी हैं...

Infoverse Academy

लाइव क्रिकट स्कोर

कोरोना अपडेट

Weather Data Source: Wetter Indien 7 tage

राशिफल

error: Content is protected !!